Balerina e njohur Isida Mollaymeri ka zbuluar se së shpejti do të bëjë dasmë. Në një intervistë të dhënë së fundmi ajo pranoi se është në një lidhje dashurie, por nuk zbuloi më tepër nga partneri i ri.
Mirëpo, Iconstyle ka siguruar një foto të çiftit, në një club. Burimet tona bëjnë të ditur se partneri i balerinës është maqedonas dhe jeton jashtë vendit.
Ajo pranoi se është në lidhje dashurore, duke thënë se i pëlqen mënyra sesi ai sillet me të dhe me të tjerët.
“Po jam në një lidhje dashurore. Partneri im ka pranuar një artiste në shtëpi dhe kjo nuk është diçka e lehtë. Ne artistët jemi të lirë, jemi egoist, nuk kemi kohë, i përjetojmë gjërat ndryshe. Ne nuk rrimë asnjëherë në një vend, duam vëmendjen, kemi disa gjëra specifike ndryshe nga njerëzit e tjerë. Mua më pëlqen partneri që kam, nuk e shikoj shumë pjesën e jashtme, shoh mënyrën se si sillet me mua dhe se si sillet me të tjerët. Nuk jam shquar për të pëlqyer meshkujt e bukur. Të gjitha shoqet i kam shumë më të bukura se vetja por ka qenë rastësi”.
