Disa javë më parë “iconstyle.al” raportoi në mënyrë ekskluzive se konflikti mes Taynës dhe Dafinës mund të mos jetë aq i ashpër sa duket. Kjo pas burimet konfidenciale na bënë me dije se reperja është shprehur në “Shiko kush luan” se Dafina është këngëtare e mirë. (KLIKO)
Kjo rrëzonte diss-et e supozuara mes tyre, duke lënë të kuptohet se mes tyre respekti ekziston ende, pavarësisht se çfarë ka ndodhur. Të paktën nga ana e Taynës. Mirëpo, ajo që ndodhi është se kjo deklaratë e reperes nuk u transmetua në ekran, dhe nuk është as në You Tube.
Po ashtu, është hequr edhe deklarata e saj për Melinda Ademin ku thotë se është vajza e bukur. “iconstyle.al” ka siguruar videon e Taynës në emision ku jep mendimin e saj për dy koleget, teksa nuk dihet ende se përse këto dy deklarata janë fshirë nga emisioni.
Prej dy muajsh tashmë Tayna dhe Dafina kanë pushtuar mediat me lajmet mbi marrëdhënien e tyre, e cila supozohet se ka marrë fund. Në rrjete sociale nuk kanë munguar statuset e dyshimta thumbat e shumtë e diss-et që i kanë dhënë fund njëherë e mirë shoqërisë së tyre.
Risjellim në vëmendje se zërat për prishjen e raportit mes tyre nisën që në muajin korrik, pasi u vu re se dy këngëtaret nuk e mbështesnin më njëra-tjetrën për projektet e reja. Ndryshe nga sa kishin bërë më parë, prej kohësh ato qëndronin në heshtje kur bëhej fjalë për suportin ndaj njëra-tjetrës.
E gjitha mori shumë zë kur Tayna ishte e ftuar në emisionin e Meriton Mjekiqit “Gjoni Black”, ku siç e do zakoni i këtij emisioni, ka bërë edhe një freestyle. Dhe të gjithë fansat mendojnë se ai është “diss” për Dafinën dhe kundërpërgjigje ndaj këngës së saj “Zili zili”.
Ndërkohë, Dafina bëri bujë me “Zili zili” që duket se është një “diss”, por nuk ka asgjë konkrete se me kë. Në vargje ajo thotë:
Inatin mrena nshpirt e kini
Smun dashni me dhon
Kur n’zemer tane ki veq zili, ziliSilly silly
You actin crazy cuz you made a milly
I kom n’bank wuz the dealy
Ju Skeni pa real real hustler
Sikur mos të mjaftonte kjo, vulën muhabetit i ka vendosur fakti që ato kanë hequr njëra-tjetrën nga Instagrami. Dy artistet ishin follow deri para shfaqjes së Taynës në “Gjoni black”. Nuk e dimë se kush e ka hequr e para kë, por tashmë nuk ndiqen më.
Tayna dhe Dafina shfaqën jo pak kimi në bashkëpunimin e tyre të titulluar “Bye bye” që është edhe bashkëpunimi mes dy femrave shqiptare me më shumë klikime.
