Emisionet ‘dating’ në Shqipëri janë kthyer në “zhgënjim” për teleshikuesit, të cilët shpresojnë të shohin një grimcë realiteti në ekran.
Mirëpo, nga reality-show është zhdukur totalisht ‘reality’ dhe për të gjithë ka mbetur vetëm ‘show’. Gjithçka po përdoret për show, famë, para, sukses.
Formatet janë të tilla që të mundësojnë krijimin e çifteve, megjithatë ka rezultuar shpesh që konkurrentët kanë qenë të lidhur jashtë emisionit.
Kështu ka ndodhur edhe me protagonistin e “Love Story”, Krist Aliajn. Burime për “iconstyle.al” zbulojnë se prej kohësh ai është në një lidhje jashtë emisionit, madje nuk e ka aspak problem as të shfaqet në kryeqytet me partneren e tij.
Vajza në fjalë quhet Entela dhe në rrjetet e saj sociale, ajo shfaqet shpesh me rrobat e aksesorët e Kristit. Fotot më poshtë jua vërtetojnë:
Ndërkohë që shijon lidhjen e dashurisë jashtë kamerave, Kristi “luan” me vajzat në emision, vajzat me Kristin dhe të gjithë bashkë me publikun.
Burimet bëjnë me dije se po ashtu, disa konkurrente janë në dijeni të lidhjes së protagonistit dhe sërish zgjedhin të bëjnë takime me të, hera herës edhe ‘romantike’ e plot ngacmime, për t’i dhënë mundësisht shikueshmëri emisionit dhe vetes së tyre.
Edhe njëherë, një skenar i dështuar për programet dating në Shqipëri!
/Iconstyle.al
