Ditën e sotme rrjeti u pushtua nga foto të Kreshës dhe Erzinës nga ditëlindja e tij e 36, të cilën ata e kaluan në Kanada.
Në fotot e publikuar, shohim se Erzina e ka gjetur pikën e dobët të partnerit dhe i ka dhuruar atij një gramafon për të dëgjuar muzikë.
Reperi shprehet mjaft i emocionuar për këtë dhuratë, ndërsa e puth Erzinën në mes të miqve dhe provon edhe të ndezë gramafonin që i pëlqeu tej mase.
E teksa këto pamje na i bënë sytë zemra, kurioziteti më i madh mbetet te vajza e çiftit, Iza, e cila ka qenë padyshim personazhi kryesor i ditëlindjes së reperit, i cili për herë të parë e festoi 5 shtatorin si baba.
Mirëpo, më poshtë po ju sjellim foton e parë të Izës të publikuar në Internet.
Ajo shihet në krahët e të ëmës dhe është ende kaq e vogël. Ndonëse portreti i saj ende nuk është publikuar për shkak të moshës, duhet ta pranojmë se kjo foto është padyshim “FOTO E DITËS”.
Në qershor të këtij viti autori i hitit “Era” u bë baba për herë të parë, duke e quajtur vajzën e tij Iza, emër që ka kuptimin “Zoti është i përsosur” ose “Zoti është betimi im”.
Kujtojmë se MC Kresha dhe Erzina i dhanë fund beqarisë pa shumë zhurmë në muajin dhjetor në një ceremoni me familjarë dhe të ftuar VIP.
Ndërkohë më herët reperi ka treguar se ka ndërmend që të largohet nga muzika dhe t’i përkushtohet plotësisht familjes së tij.
