Produksioni i “Big Brother Vip” mund të mundohet sa të dojë ta fshehë momentin kur Kejvina goditi me shuplakë Luizin gjatë prime-it të kaluar, por “Iconstyle.al” nuk i shpëton asgjë.
Burimet tona ka mundur të sigurojnë videon, ku qartë duket veprimi i ulët i modeles.
Siç e shikoni edhe në video, Kthella është çuar nga vendi i saj, duke kaluar Dean dhe Bjordin dhe ka goditur me sa fuqi ka pasur mbi këngëtarin.
Ky i fundit ndonëse në një situatë të tillë nuk ka reaguar, por vetëm është përpjekur të shamnget. Ndërkohë çfarë bënë banorët e tjerë të pranishëm që flasin për fyerje dhe ofendime?
Të gjithë së bashku “bënë sehir” ndërkohë që para tyre po zhvillohej një akt dhune fizike.
Çdo ditë e më shumë bindemi që ky edicion i “Big Brother VIP” po tejkalon çdo kufi etik, çdo kufi edukate dhe humanizmi.
Përveç gjuhës së përdorur tepër bullizuese, këto momente që transmetojnë dhunë në ekran duhet të ndalohen. Në lidhje me këtë situatë, produksioni dhe në veçanti Autoriteti i Mediave Audiovizive duhet të marrë masa sa më parë.
Një reality-show si “Big Brother” duhet të argëtojë, të ndajë mesazhe të duhura për njerëzit që i ndjekin. Jo të përçojë mesazhe dhune.
Promovimi i dhunës në ekran është një prej ngjarjeve më shqetësuese, ndaj shpresojmë që kësaj here produksioni të marrë vërtetë masa të rrepta ndaj banores në fjalë!
