“ABC News” do të vijë këtë sezon me disa ndryshime të vogla në programet televizive.
Teksa u diskutua hapja e emisionit investigative “Piranjat”, u tha se në moderim do të ishte Luana Vjollca, gjë që më pas u hodh poshtë.
U fol gjithashtu se do të ishte aktori i humorit Bes Kallaku që do ta prezantonte këtë program, mirëpo së fundmi është bërë me dije që as ai nuk do të ishte pjesë.
Së fundmi, burime për “Iconstyle.al” kanë bërë me dije se në moderim të emisionit do të jetë pikërisht Dasara Karaiskaj.
Rikujtojmë se, burime për “Iconstyle.al” kanë njoftuar gjithashtu se Luana Vjollca do të jetë pjesë e “ABC News”, por kësaj rradhe duke rikthyer emisionin e saj të famshëm “Shiko Kush Luan”!
Emisioni aq i ndjekur të cilin vetë Luana e ka cilësuar si “kulmin e karrierës së saj” tashmë nuk do të shfaqet më në ekranin e “Top Channel”, aty ku nisi, por të gjithë shqiptarët do të kenë mundësinë ta ndjekin në televizionin tjetër.
Nuk e dimë ende se kur do të startojë “Shiko kush luan”, por mund të themi se të gjithë jemi të lumtur për rikthimin e një nga emisioneve më argëtuese e më të ndjekur në ekranin shqiptar.
