Nata finale e “Dance With Me” ishta parashikuar të mbahej të hënën, më 18 dhjetor, por producentët vendosën që ta shtynin transmetimin më 25 dhjetor, për shkak të situatës politike të tensionuar në vend.
Por “iconstyle.al” shkroi dy ditë më parë se një ndjekës i spektaklit kishte zbuluar që, në fakt regjistrimi i tij ishte bërë të shtunën, më 16 dhjetor.
“Finalja e madhe live është bërë dje (për të shtunën) dhe të hënën do të bëjnë sikur janë live”.
Madje ai zbuloi edhe çiftin fitues:
“E mori Xhensila me Trimin”.
Në “inbox”-in e “iconstyle.al” ditën e djeshme rreth orës 14:00 mbërriti një foto, në të cilën shfaqen Alketa, Xhensila dhe Trimi, si dhe disa nga konkurrentët e tjerë.
Atmosfera që të përcjell fotografia, përkon me finalen e “Dance With Me”. Trimi mban në dorë kupën e fitores, ndërsa Xhensila mikrofonin, me siguri për të falënderuar për mbështetjen dhe fitoren.
Moderatorja Alketa Vejsiu shfaqet e veshur me një fustan ngjyrë rozë shkëlqyes, ndërsa në ajër duken fishekzjarrët e hedhur.
Autori i fotos nuk dihet, pasi personi që e dërgoi ishte anonim.
