Mbrëmjen e kaluar në “Pallatin e Kongreseve”, u mbajt finalja e festivalit “Kënga Magjike”.
Në një mbrëmje magjike dhe plot emocione Eneda Tarifa arriti të fitojë çmimin e madh.
“Ma zgjat dorën” u shpall Kënga Magjike për vitin 2019 dhe menjëherë pasi rrëmbeu çmimin, Eneda dha një intervistë të shkurtër për “Iconstyle.al”.
Teksa mbante kupën në dorë, këngëtarja tregoi se falë Florit arriti të fitojë këtë çmim.
“Florit dua t’i them se i takon merita e parë, për këngën e mrekullueshme. Nëse nuk do të kisha këngën, nuk do të kisha bërë asgjë, sepse nuk do të më jepte kënga mundësi.
Por ka bërë Flori këngën, është ai një herë, pastaj veshja, interpretimi, skena, efektet dhe gjithçka”, u shpreh Eneda.
Kujtojmë se Eneda u bë pjesë e festivalit “Kënga Magjike”, pas 11 vitesh. Kënga e saj “Ma zgjat dorën”, u pëlqye menjëherë pas prezantimit.
