Kanë kaluar 3 ditë nga koncerti i Rita Orës në Tiranë dhe look-u i saj vijon të jetë më i komentuari. Këngëtarja shqiptare u shfaq në skenë me një kostum të verdhë me gurë që shkëlqenin, përmes së cilit ekspozonte linjat e saj të lakmuara.
Shumë nga fansat e pëlqyen veshjen që Rita kishte zgjedhur për performancën në Tiranë por pati edhe nga ata që e kritikuan këngëtaren për veshjen duke e cilësuar atë të ekzagjeruar.
“Iconstyle.al” u interesua për të ditur sesa i kishte kushtuar Rita Orës veshja për performancën dhe e kemi një çmim. Kostumi është i markës londineze, “Bang London” dhe kushton 1000 paund.
E kuruar me kujdes nga stilisti Kyle De Volle, Rita Ora arriti të tërheqë vëmendjen e duhur me paraqitjen e saj. Nuk është hera e parë që Rita i beson paraqitjen markës londineze e as stilistit që është njëkohësisht edhe miku i saj.
Burimi: Iconstyle.al
