Një deklaratë i Fifit po bën lëmsh gjithë rrjetin. Ditën e sotme u publikua një video përmbledhëse rreth “Shiko kush luan”, ku ndër të tjera Fifi shprehet: “Jam e lidhur me Fation Kuqarin”.
View this post on Instagram
E gjitha nisi nga disa video të këngëtares të postuara disa ditë më parë që kanë ngjallur goxha dyshime. Fifi postoi fillimisht një video në Instastory, ku shihej duke kënduar këngën e saj që pritet ta lançojë së shpejti “Maniac”, duke i bërë tag Fationit.
Më pas, ajo realizoi një bashkëbisedim me ndjekësit dhe u pyet se pse i ka bërë tag Fationit. “Sepse është maniak!”- u përgjigj Fifi.
Shumë media po shkruajnë rreth deklaratës së Fifit dhe fansat janë në mëdyshje. Por, si qëndron e vërteta?
Burime pranë Iconstyle.al bëjnë me dije se mes Fifit dhe Fationit nuk ka asgjë të tillë. Ai do jetë protagonist në klipin e saj të ri që mban pikërisht titullin “Maniac”. Deri tani ende s’ka detaje lidhur me datën e publikimit të këtij projekti, por duket se s’është shumë larg.
Deklarata e saj në promon e emisionit është më shumë një “ngacmim” për publikun dhe për ta parë të plotë, duhet të ndjekim emisionin mbrëmjen e sotme.
Kujtojmë se disa ditë më parë, Fifi njoftoi se ka gati jo një por dy këngë dhe e paska bërë zgjedhjen e saj se cilën prej tyre të publikojë më parë.
Nga ana tjetër, Fation u tërhoq të hënën nga gara, pas një sherri me një tjetër konkurrent, Erisin. Nëpërmjet një postimi në Instastory ai ka bërë me dije se s’do jetë më pjesë e formatit, nisur nga intrigat, mashtrimet apo dyfytyrësitë e konkurrentëve të tjerë.
