Einxhel Shkira është gjobitur ditën e djeshme nga policia, sepse ka thyer masat e vendosura kundër përhapjes së koronavirusit. Ajo ka treguar se përveçse ka qenë jashtë pas orarit të lejuar (22:00) nuk ka pasur as maskë në fytyrë.
Einxhel shprehet se nuk ka pasur asnjë person rreth vetes në rrugë, ndaj ka qenë pa maskë, por polica nuk e ka toleruar. Ajo është revoltuar pas gjobës ,ndaj ka reaguar ashpër ndaj këtyre masave.
“Ky muhabeti i karantinës në orën 10 paska qenë serioze, nuk ka qenë shaka. Sapo kalova 2 patrulla, të parës i kalova, të dytës te lagjia më ndaluan dhe më thanë se sapo bëra 2 shkelje. Isha jashtë orarit dhe nuk kisha maskë. Nëse unë e kam kaluar Covidin dhe nuk ka kush ma ngjit më dhe nuk kam kujt t’ja ngjis pse duhet ta mbaj maskën. Nëse unë jam vetëm në rrugë pse duhet ta mbaj maskën? Ti kur je në shtëpi vetëm përdor prezervativ?”, shprehet Einxhel në një video.
