Këngëtarja Era Istrefi ka gjetur një atmosferë shumë të këndshme në familjen e motrës së saj Nora, pas kthimit nga Shtetet e Bashkuara të Amerikës.
Si një familje artistësh, nuk mund të mungonte festa dhe muzika.
Në disa video që këngëtarja ka publikuar në Instagram, Nora, Roberti dhe vogëlushja Renne, janë mbledhur pranë pianos.
Teksa babi Roberti luan në piano dhe mami Nora këndon, vogëlushja qesh dhe shtrihet sipër pianos, ndërkohë që Era filmon këtë moment të ëmbël.
Në sfond dëgjohet kënga e ditëlindjes, që besojmë se është e preferuara e Renee-së. Të katërt bashkë ndodhen në Tiranë, menjëherë pasi Era ka përfunduar xhirimet e klipit të ri në Jamaica. E ku ka mikpritje më të bukur!
