Egla Harxhi i befasoi të gjithë teksa pak kohë më parë deklaroi se ishte në një marrëdhënie treshe, me Alesian dhe fotografin Ale de Basseville. U duk se ata ishin treshja shqiptare që thyen tabutë, por kjo marrëdhënie nuk zgjati shumë.
Egla vetëm 2 muaj më parë u bë nënë e një djali dhe për çudinë e të gjithëve në këtë periudhë në Instagram-in e saj u vu re një mungesë totale e fotove me partneren Alesia, madje ato nuk e ndjekim më njëra-tjetrën as në rrjetet sociale.
Së fundmi në një intervistë të dhënë për emisionin “Thumb”, Egla pranoi publikisht se marrëdhënie e tyre ka marrë fund dhe tashmë ajo ka një familje normale së bashku me fotografin e njohur.
Ndërkohë që të gjithë menduam se historia e tyre mori fund dhe gjithçka u kalua në heshtje, duket se Egla ka “thumbuar” ish-partneren e saj nëpërmjet një statusi në Instastory.
“Shumë njerëz kanë ardhur dhe kanë ikur dhe ka qenë gjithmonë mirë pasi kanë mbushur disa hapësira që ishin për njerëzit e mirë. Është një eksperiencë e çuditshme, pasi ata më kanë lënë mua gjithmonë hapësira për njerëz me kualitet më të mirë”, shkruan Egla në postimin e saj duke na lënë të kuptohet se ajo është e hapur për një lidhje të re.
