Do e kishit imagjinuar një këngë të publikuar në vitin 1985, të rikthehet në krye të top listave botërore në 2022?
Këngëtarja Kate Bush po shënon një hit të papritur me një këngë 37-vjeçare. Hiti “Running Up That Hill” i cili fillimisht arriti në vendin e tretë në 1985, është ngjitur papritmas në krye të listave të iTunes në Mbretërinë e Bashkuar dhe SHBA, pasi u shfaq në serialin e Netflix “Stranger Things”. Ajo është ngjitur gjithashtu në vendin e parë në Spotify – pas një rritjeje prej 153% të transmetimeve.
Kate Bush ka thënë se është vërtet emocionuese që kënga e saj është rifutur në top listat muzikore në mbarë botën, 37 vjet pas publikimit, për shkak të paraqitjes së saj në një episod të “Stranger Things”.
“Running Up That Hill” luan një rol kyç në sezonin e fundit të Stranger Things, duke qenë kënga e preferuar e personazhit Max, e luajtur nga Sadie Sink, dhe duke u shfaqur si motiv gjatë gjithë kohës. Kënga është bërë një hit i veçantë midis Gen Z, të cilët as nuk kishin lindur kur kënga u publikua për herë të parë në 1985, duke u shfaqur në TikTok.
Po përse ka kaq shumë ndikim ky serial?
Stranger Things është një nga serialet më të njohura në historinë e Netflix. Por çfarë është ajo që e bën këtë serial kaq të veçantë.
Seriali është një thriller mbinatyror/shkencor i vendosur në qytetin imagjinar të Hawkins, Indiana.
Stranger Things është seriali perfekt për t’u parë për këdo që dëshiron nostalgjinë e viteve ’80, dhe është e mbushur me referenca përkatëse dhe një estetikë që i përshtatet periudhës kohore.
