Ajo është nëna e katër fëmijëve dhe një grua në karrierë, por sërish arrin të jetë në formë të mirë dhe të ketë një stil që çdo grua do ta dëshironte në moshën e saj.
Ndaj modelja 44-vjeçare, Heidi Klum, sot më shumë se kurrë po përpiqet që të vërtetojë se është një superbombë. Ajo është lidhur me një mashkull shumë më të ri se vetja dhe kjo është sfidë për të.
Bukuroshja bionde ka lënë pas angazhimet në profesion dhe po pushon në Cabo San Lucas të Meksikës. Klum shoqërohet nga i dashuri 28 vjeçar, Tom Kaulitz, i cili është pjestari i grupit “Tokio Hotel”.
Modelja nuk e kishte fare problem t’i largonte tërësisht bikinit në pjesën e sipërme, në mënyrë që paparacët të siguronin disa fotografi të “aseteve”.
E lindur në Gjermani, Heidi është nënë e katër fëmijëve; Helene 13, Henry 12, Johan 11, dhe Lou 8 vjeç. Ajo i ka të vegjlit e saj me ish-bashkëshortin Seal, 55 vjeç, me të cilin ka qenë e martuar nga viti 2005 deri në vitin 2014.
