Për filozofin shqiptar, Edmond Tupe, asnjë temë nuk është tabu për t’u diskutuar.
I ftuar në emisionin “Top Show” për të folur lidhur me temën e seksit, Tupe tregoi formulën e orgazmës së një psikoanalisti, për të cilin kishte një vërejtje.
Sipas tij, që të arrish një orgazëm duhet që të ketë më herët një ndjenjë dashurie mes çiftit. Këtë s’mund ta arrish në bordello.
“Ka qenë një psikoanalist që ka shkruar formulën e orgazmës, por ka harruar anën shpirtërore. Duhet një fjalë e ëmbël nga shpirti, se po të jetë thjesht seks i pastër 100%, atëherë shko në një bordello dhe kryej veprimin. Është një akt masturbues, nuk është dashuri, të të rrahë diçka, një mendim, një ndjenjë, para rrahjes së barkut. Kjo është e domosdoshme, të flasim për ngrohtësinë e aktit seksual. Ai psikoanalist thotë: “Formula e orgazmës është kjo”, pra ai shkruan vetëm nga ana fizike, por përjashton dimenstionin shpirtëror. Ai thotë: “tendosje mekanike + ngarkesë elektrike = shkarkesë elektrike + relaks mekanik”. Por këtu ai nuk kishte futur atë elementin e kripës shpirtërore”, u shpreh Tupe.
Burimi: Top Show
