Aktorja dhe modelja amerikane e viteve ‘60-’70, Edie Sedgwick, u bë e njohur si një nga superstaret e Andy Warhol (artist). Ajo vinte nga një familje e pasur me tetë fëmijë, një familje plot me probleme. Kjo reflektohej dhe në mënyrën e sjelljes së saj rebele. Distancat që kishte me familjarët e bënë Edien të lidhej ngushtë me personazhe të njohur si: Andy Warhol, Chuck Wein dhe Gerard Malanga, me të cilët kaloi një vit në atë që Andy Warhol e quante “The Factory” (fabrika).
Pas pjesëmarrjes në disa filma të Warhol, u cilësua si “Vajza e vitit” në 1965-ën. Nuk ishte vetëm aktivizimi i Ediet në botën e modës dhe kinematografisë “underground”, që e bënë atë një ikonë të viteve ‘60-’70, por stili i saj unik, duke filluar që nga flokët, grimi, veshja dhe aksesorët. Ajo ishte dhe vazhdon të jetë pa dyshim një inspirim i mirë.
Flokët natyralë dhe të gjatë, nuk ishin më një gjë e përshtatshme për imazhin që Edie donte të krijonte. Kjo bëri që ajo të vinte në një formë krejt të ndryshme; flokë të shkurtër dhe në ngjyrë platini, një make up që i vinte në dukje sytë rrëzëllitës dhe një veshje ku dominonin e bardha dhe e zeza.
Stili i Ediet mund të përshtatet dhe të “kopjohet” fare lehtë. Ja se çfarë ju duhen:
Në garderobën e Ediet:
- streçe të zeza
- peliçe nga më të ndryshmet (leopardi, majmuni, dhelpre etj)
- geta të zeza baleti
- çdo gjë me vija bardhë e zi, bluza, pulovra, kanotiere, bluza me jakë të lakuar (sidomos ato me vija bardhë e zi)
- fustane pa mëngë në printe monokrom, metalike dhe me një varietet të vetëm
- bluzë e bardhë me jakë v
- pulovra të zeza me jakë golf
- minifunde të ngushta e të shkurtra
- fustane pa mëngë në printe monokrom metalike dhe me një varietet të vetëm
- bluzë e bardhë me jakë v
- pulovra të zeza me jakë golf
- minifunde të ngushta e të shkurtra
Aksesorët e saj:
- vëthë në gjatësi deri te supet
- të brendshme të zeza
- pupa të zeza baleti
- taka të larta të zeza
- geta rrjetë
- varëse të gjata të lidhura me njëra-tjetrën
- varëse të zeza me kryq
- kapela nga më të ndryshmet
- syze të mëdha rrethore
- dy parfumet e saj ishin “Robert Piguet’s Fracas” dhe “Femme” nga shtëpia e modës “Rochas”
(Make-up i Ediet, ku bie në sy mënyra e lyerjes së syve.)
“Do më duhet të vendos më shumë vëthë. Vë bast që dikush mund të analizojë gjendjen time emocionale vetëm duke parë çfarë vëthësh kam vendosur.”
(Nuk duhen harruar cigaret dhe pija e saj e preferuar, “Martini”)
