“Unë jam supergrua” apo “Unë jam supervajzë”. Këto ishin disa nga pankartat e marshimit të organizuar sot nga” Rrjeti i Fuqizimit të Gruas në Shqipëri”.
Aktivitetit që u mbajt në sheshin “Nënë Tereza” në Tiranë, iu bashkuan figura të njohura të shoqërisë civile, politike e sociale.
Ndërkohë, me rastin e: Ditës Ndërkombëtare të Gruas”, në Pallatin e Brigadave u zhvillua një aktivitet nën kujdesin e Linda Ramës, bashkëshortes së kryeministrit, Edi Rama, gjithashtu i pranishëm.
Por mesazhi që na mbeti në mendje ishte ai që i dha kreu i qeverisë të gjithë meshkujve të këtij vendi.
“Sa më shumë vend që gratë dhe vajzat të gjejnë në shoqëri, aq më mirë do të jetë për të gjithë, mbi të gjitha aq më mirë do të jetë për burrat. Nga lartësia e 198 cm të mia, unë mund t’i siguroj të gjithë burrat sesa më pak frikë të kenë nga protagonizmi i grave, aq më të mbrojtur dhe të sigurtë do të jenë”, tha Rama.
