Tërmeti i 26 nëntorit u mori jetën 51 personave!
Mes tyre ishte edhe Kristi Reçi, vajza 25-vjeçare, e cila la në mes ëndrrën për t’u bërë mjeke.
Nëpërmjet një deklarate, djali i kryeministrit Edi Rama, Gregori, tregoi se ajo ishte e afërmja e familjes së tyre.
Pa zbuluar më tepër detaje lidhur me marrëdhënien e tyre.
Si fillim mediat italiane thanë se Kristi ishte e fejuara e Gregorit, megjithatë familja e kryeministrit zgjodhi të mos japë asnjë deklaratë.
Por i ftuar në emisionin “Porta a Porta” të Bruno Vespës, Edi Rama ka pranuar se 25-vjeçarja ishte e fejuara e djalit të tij.
Rama ka thënë se nuk ka dashur të flasë për këtë ngjarje pasi tragjedia nuk kishte prekur vetëm atë apo familjen e tij, por ishte tragjedi për të gjithë në Shqipëri.
“Po është e vërtetë. Më lejoni të them që duke u gjendur në këtë situatë të vecantë dhe ky detyrim për të qenë kryeministër i një vendi që kaloi këtë tragjedi, unë nuk kam dashur të flas për këtë. Kjo nuk është dicka që nuk ka të bëj vetëm me mua dhe familjen time, por me të gjithë ne. Kjo thjesht e shtoi atë detyrimin tonë të brendshëm për të bërë gjithcka”, tha Rama.
