Kryeministri Edi Rama ishte i ftuar mbrëmjen e sotme në emisionin “Zone e lirë”, ku sqaroi për të disatën herë se me datë 1 janar 2019, të gjitha pikat e basteve në vend do të jenë të mbyllura.
Teksa është përballur me shumë kritika, Rama i kërkoi moderatorit të emisionit Arian Çani, të pyeste gratë e pranishme në studio sesi e gjykojnë këtë vendim, pasi barra bie vetëm mbi to.
“Ja pyeti gratë që janë këtu, duan apo s’duan që të mbyllen lojrat e fatit. Prandaj kanë luajtur mendsh burrat, se s’pyesin grate. Më shikoni mua, jam mirë se unë e pyes gruan.” – tha kryeministri Edi Rama.
Mirëpo, moderatori nuk dukej fort i bindur me faktin se Rama pyet të shoqen.
“I sigurt? Unë të njoh, kam shumë kohë që të njoh. Mos ma thuaj mua këtë! Ti bën si të thotë koka, s’pyet asnjë. – tha Çani.
“Më njeh, por s’më njeh në këtë drejtim! Patjetër që bëj si dua, por pyes. Pyes 100 vetë dhe në fund bëj si di vetë” – tha kryeministri Rama.
