Kryeministri Edi Rama, ditët e fundit është kthyer në një personazh mjaft të përfolur në mediat rozë.
Pas “atleteve të famshme”, kësaj here ai flitet për pushimet e tij, të cilat ka zgjedhur t’i kalojë në plazhin e Dhërmiut.
Por, befasia vjen në një fotografi të publikuar në llogarinë zyrtare në “Facebook”, në të cilën kryeministri shfaqet pranë dy motrave të njohura këngëtare, Greta dhe Eni Koçi.
Greta ka qenë edhe drejtuese e forumit rinor të PD-së, por që mesa duket ky fakt nuk i ka penguar aspak të fotografohen së bashku me liderin e partisë kundërshtare, në këtë rast PS-së.
Ndërsa Eni Koçi, ashtu siç shkruan dhe Rama ka bindje të majta: “Eni Koçi majtas, Greta Koçi djathtas”. Në të dy emrat, kryeministri ka vendosur nga një yll!
Pavarësisht bindjeve politike, në fund të fundit të gjithë e duam një foto me kryeministrin!
