Do të jesh pjesë e “Miss Universe”? Mund të konkurrosh, ndërsa për fitoren ia lejmë fatit. Faqja zyrtare e “Miss Universe” këtë vit do t’i ofrojë mundësinë kujtdo për të qenë një nga konkurrentet e këtij kompeticioni. Përveç 51 Miss-eve, të cilat kanë fituar titullin Miss nga shtetet ku jetojnë, do të shtohet edhe një konkurrente e cila nuk do të përfaqësojë ndonjë shtet në veçanti.
“#FindingMiss52” është nisma e ndërmarrë për të inkurajuar femrat të bëhen pjesë e kësaj eksperience përmes fotove apo videove të postuara në “Instagram” me këtë logo. Kushdo që do të bëhet pjesë e Miss USA, mund të shkruajë këtë logo në postimet që bën dhe ndërkohë një staf do të bëjë përzgjedhjen dhe intervista për të përcaktuar se kush do të ketë mundësinë të jetë konkurrentja e 52-të”, u shpreh presidentja e organizatës, Paula Shugart
“Miss USA është dikush që është e fortë, e vendosur dhe me vetëbesim. Konkurset tona janë një mënyrë festimi për bukurinë e çdo femre dhe me këtë nismë që kemi marrë shpresojmë të inspirojmë akoma më shumë femra të tregojnë vlerat e tyre”, tha Shugart.
Të gjitha femrat mund ta shikojnë si një mundësi të mirë, pasi nuk kanë pasur mundësi të konkurrojnë në shtetet e tyre apo në ndonjë konkurs tjetër bukurie.
Burimi: Seventeen
