Ori Nebijaj dhe Isli Islami ishin sot të ftuar në “Dua të të bëj të lumtur” për të treguar historinë e tyre të njohjes dhe për të folur për shoqërinë!
Dyshja e njohur është përfolur për një marrëdhënie më tepër sesa shoqërore por asnjëherë nuk e kanë konfirmuar. Edhe këtë mbrëmje, Ori ka vërtetuar se mund të kesh një shoqëri me një djalë.
“Me fat qe te kam ne jeten time @isli_islami ? Edhe si shoke mund te kesh nje histori te lumtur ♥️ @duatetebejtelumtur.tch ?”, shkruan ajo në postimin e saj në Instagram.
Gjatë emisionit, moderatorja i kërkoi Islit të zbulonte 5 gjëra që nuk i pëlqen tek Ori dhe megjithëse shumë e vështirë, ai e plotësoi listën.
E para është që Ori nuk duhet të veshë takat sepse del më e gjatë se ai. Gjëja e dytë që Isli nuk pëlqen tek Ori është përdorimi i shpeshtë në emision i fjalës “Marshallah”. Gjatë bisedës që Isli zhvilloi me moderatoren e programit, Arbana Osmani zbuloi se mikja e tij është shumë e dhënë pas gjumit dhe kjo është diçka që nuk i pëlqen atij.
Gjithashtu Isli tregoi se Ori bënte shumë presion duke thënë: “Ori është shumë këmbëngulëse dhe nëse e di se e ka të saktë atë për të cilën po flet do i dalë e saja me 100%, prandaj unë e pëlqej ketë gjë tek ajo, por presioni që ushtron më bën të ‘trembem’.”
Por si u njoh dyshja e ekranit të Top Channel?
Ori në studio rrëfeu historinë se si Isli dhe ajo ishin njohur për herë të parë duke treguar momentin e takimit të parë:
“E kam njohur Islin pasi kishim filluar punën në “Wake Up” dhe xhirimet, pasi ai nuk ishte në Tiranë. Më vjen një mesazh në telefon ku thuhej se ishte Isli dhe më ftonte për kafe. E kam lënë të presë mbi 30 minuta në këmbë edhe pse kafja ishte aty afër shtëpisë sime.”
