Plazheve dhe bukurive të bregdetit të Shqipërisë, i kanë bërë jehonë edhe mediat serbe, përmes turistëve të shumtë që kanë ardhur nga ky vend.
Në një kronikë të zgjeruar të portalit serb “B92” mbi 10.000 banorë të Bujanovcit, Preshevës dhe Gjilanit, zgjedhin bregdetin shqiptar të Jonit për të pushuar.
Një ndër ta është edhe familja Fejzullahu nga Bujanoci e cila ka vite, që kalon pushimet e verës në Vlorë dhe Sarandë. Më parë ata i kalonin pushimet në Greqi, Mal të Zi e Turqi.
Por tashmë për ta nuk ka vend tjetër për pushime më të mirë sesa Shqipëria.
“Plazhet që ka Shqipëria nuk i gjen askund në Europë. Çmimet nuk janë të larta, dy ose tre persona mund të hanë për 10 deri në 15 euro”, thonë këta turistë.
Sipas vlerësimit të agjencive turistike, në këtë sezon numri i turistëve nga jugu i Serbisë, që kanë qëndruar në qytetin shqiptar në detin Jon është rritur 35 % në krahasim me vitin e kaluar./Tiranapost
