Balina Bodinaku ishte pjesë e “Big Brother Vip” si opinioniste dhe shpesh herë u përfshi në debate të zjarrta. Por tani që kanë kaluar muaj nga përfundimi i spektaklit ajo vazhdon të pyetet akoma dhe kjo e ka bezdisur jo pak dhe madje është bërë e lodhshme për opinionisten.
“Më ka ardhur kudo ku shkoj, është normale që të merrej publiku se prandaj ishte ai format, dhe me vjen mirë. Por më ka ardhur në maj të hundës, se në çdo studio më pyesin për Big Brother. I tejkaloi parashikimiet e të gjithëve, produkisonit, të mijat apo dhe vetë njerëzve. Kam takuar njerëz që thonin nuk e dija që do të bëhesha kaq i varur nga “BBVIP”- është shprehur Balina.
Aktualisht, ajo është në një lidhje me gazetarin Andi Bushati, me të cilin bashkëjeton prej kohësh.
Rikujtojmë se Balina pati edhe një debat virtual dhe me këngëtarja Beatrix Ramosaj, e cila e akuzoi Balinën për shpifje.
Sipas këngëtares Balina ka gënjyer se ajo ka ikur me pushime me të dashurin e saj, ndërkohë që diçka e tillë ka qenë e pavërtetë.
Balina nuk u prek aspak nga situata, madje e cilësoi atë “absurde”. Ajo gjithashtu tha se nuk ka ndonjë gjë për t’i thënë më këngëtares, vetëm nëse ajo do të donte ta sqaronte situatën sërish.
