Intervista e Tunës në emisionin “Xing me Ermalin” u shoqërua me shumë komente në media dhe rrjetet sociale. Ishte moderatori i emisionit Ermal Mamaqi, i cili të dielën në një shkrim të gjatë në “Instagram” i doli në mbrojtje këngëtares, duke theksuar se Tuna të çarmatos me sinqeritetin dhe guxon të thotë me zë të lartë, atë që shumë njerëz kanë frikë ta çojnë ndër mend.
Duket se edhe këngëtarja Enca Haxhia, ndan të njëjtin mendim me moderatorin dhe nuk nguroi të mbështesë kolegen e saj. Këngëtarja e hitit “Kujt po i han” tregoi se e adhuron këngëtaren me origjinë nga Shkupi.
“E dua sepse është e vërtetë. Njerëzit adhurojnë falcon. Le të përqafojmë të vërtetën dhe të gjykojmë më pak sepse të jesh i “vërtetë” është vlera e vërtetë” – shkruan Enca.
Tuna foli pa dorashka në lidhje me karrierën e saj dhe sesi ka ndryshuar jeta pas martesës dhe lindjes së djalit. Ndër të tjera, Tuna refuzoi edhe ofertën për të qenë pjesë e emisionit “Rudina”, duke theksuar se nuk do të shkojë asnjëherë, ç’ka ngriti një debat të madh edhe me moderatoren Rudina Magjistari.
