Ndërkohë që kanë mbetur vetëm pak ditë nga nisja e spektaklit ‘Big Brother VIP’, detaje të reja kanë dalë në dritë pavarësisht se po tentohet që gjithçka të mbahet surprizë.
Së fundmi është zbuluar se cila do të jetë ajo që do të prezantojë formatin e “Fun Club”. Revista “Vip Magazine” ka zbuluar se ky program i është besuar pikërisht prezantueses Dojna Mema.
Për Dojnën ky është një rikthim në ekran, pas një pauze të gjatë, kohë gjatë së cilës i është përkushtuar angazhimeve private. “Big Brother Vip” fillon në 1 tetor, ndërsa edhe ky edicion do të drejtohet nga Arbana Osmani, njësoj si edicionet e tjera.
E tani që numërimi mbrapsht ka filluar për nisjen e programit, Arbana ka publikuar një foto ku duket në ambientet e tij, ndërsa të gjithë vëmendjen e ka marrë skaleta që ajo mban në duar.
Moderatorja ka qenë shumë e vetëdijshme për këtë gjë pasi krahas fotos, ajo ka shkruar me nota humori “Ne po bëjmë prova, ju Zoom In”, duke i paraprirë kështu veprimit të gjithë ndjekësve.
Më herët gazetari, Eraldo Rexho, pjesë e ekipit realizues të formatit të shumëpritur ka dhënë disa detaje të reja për kanalin T7 në Kosovë.
“Big Brother Vip do të fillojë në Tetor dhe ndryshe nga çdo sezon tjetër do të jepet dy herë në javë. Ditët ekzakte besoj se do të lançohen përmes spoteve publicitare në Top Channel. Do të jetë një kast shumë mirë artistësh dhe pjesmarrësish VIP…Do të kemi besoj përfaqësues të Kosovës, pra do ketë shumë arsye për tu ndjekur Big Brother. E gjithë skuadra po punon për një edicion fantastik. Shtëpia është spektakolare, te gjithë do ta pëlqejnë shumë.”,- u shpreh Eraldo
