Ed Sheeran ka zbuluar mendimet e tij për përdorimin e inteligjencës artificiale në muzikë, duke e përshkruar teknologjinë si “të çuditshme”. Këngëtari britanik ka folur për inteligjencën artificiale gjatë një interviste për Audacy.
“Ajo që nuk e kuptoj për inteligjencën artificiale është se për 60 vitet e fundit, filmat e Hollivudit ju kanë thënë: “Mos e bëj”, dhe tani të gjithë po e bëjnë këtë. Ndaj u them atyre: “A nuk i keni parë filmat ku ai na vret të gjithëve?”. Nuk e di pse ju duhet ajo. Nëse i heq një punë një qenieje njerëzore, mendoj se është shumë keq ”, vuri në dukje ai, kur u pyet nëse ka parë ndonjë nga projektet muzikore të AI që po bëhen gjithnjë e më popullore në rrjetet sociale.
“Çështja e shoqërisë është që të gjithë të punojmë. Nëse gjithçka bëhet nga robotë, të gjithë do të mbeten pa punë. Inteligjenca artificiale më duket paksa e çuditshme. Por ChatGPT … pse jo?”, shtoi ai.
.@edsheeran spilled all the tea on partying with his biggest fan aka @chrishemsworth during his #AudacyLive interview with @bruontheradio at @HardRockHotels in NYC 🎤
Check out their full chat: https://t.co/LGRCC1f2MD pic.twitter.com/GMXmqWPvw8
— Audacy (@Audacy) August 7, 2023
Në intervistë, Ed Sheeran zbuloi se ai ka në koleksionin e tij arushin nga filmi i Steven Spielberg, “Inteligjenca Artificiale” (2001).
“E pashë pak më parë dhe i thashë: “Shiko! Spielberg dhe Kubrick po përpiqeshin të na tregonin diçka”, nënvizoi ai.
