Një ngjarje e rëndë ka ndodhur mbrëmjen e djeshme në Itali.
Bëhet me dije nga mediat e huaja se një 26-vjeçare ka humbur jetën në mënyrë tragjike .
Ngjarja ka ndodhur në Pieve di Soligo, ku 26-vjeçarja, Anila Grishaj, me origjinë shqiptare ka qenë duke punuar në një kompani që merrej me prodhimin dhe tregtimin e ushqimeve të ngrira.
Sipas mediave italiane, vajzës shqiptare i ka ngecur koka në një prej makinerive. Edhe pse kanë ndërhyrë për ta ndihmuar, goditja ka qenë fatale.
Hetimet pritet të zbulojnë shkaqet dhe rrethanat e plota të kësaj ngjarjeje tragjike.
Anila jetonte në Treviso me familjen e saj. Ajo përshkruhej nga kolegët e saj si një vajzë e qeshur dhe shumë punëtore.
