Në rubrikën e të famshmeve shqiptare të veshura më me stil “iconstyle.al” çdo javë ju jep mundësinë lexuesve të faqes që të zgjedhin të preferuarën e tyre.
Këtë javë përzgjodhëm 5 vajza të famshme, me famë kombëtare e ndërkombëtare, të cilat me zgjedhjet e tyre plot shije janë shndërruar në imazhe referimi përsa i përket stilit të veshjes.
Lexuesit e “iconstyle.al” votuan të preferuarën e tyre mes: Jonida Maliqit, Rita Orës, Klaudia Pepës, Zaimina Vasjarit dhe Luana Vjollcës.
E veshura më me stil për këtë javë që ju zgjodhët është këngëtarja Zaimina Vasjari. Në vend të dytë është renditur moderatorja Luana Vjollca, ndërsa si më pak e votuara rezulton këngëtarja Jonida Maliqi.
Zaimina shfaqet në këto foto si një karamele e vërtetë, e veshur me një fustan rozë me fruda.
