Një ngjarje e rëndë tronditi dje, jo vetëm Korçën, por gjithë opinionin publik. 84-vjeçarja Nazime Demollari gjeti vdekjen në shtëpinë e saj nga i biri.
Sipas njoftimit të policisë, e moshuara nuk është mbytur, por është masakruar me sende të forta nga djali i saj 64-vjeçar.
Ajo është goditur disa herë me sende të forta në kokë dhe në trup, goditje që i kanë shkaktuar vdekjen e menjëhershme.
Policia arrestoi Nazim Demollarin, i cili u përshkrua nga fqinjët si një person problematik. 64-vjeçari ishte i divorcuar dhe i alkoolizuar, ndërsa dyshohet se ngjarja ndodhi kur ai ishte i dehur.
