Një ngjarje tragjike tronditi sot qytetin e Durrësit, ku bashkëshortja e një polici u gjet e pajetë në banesën e saj. “Ballkanweb” raporton se të afërmit kanë dëgjuar Sherif Hajdarin dhe viktimën Merita Hajdari të debatonin me zë të lartë për disa minuta. Pasi kishin hyrë në banesë, Merita qëndronte e shtrirë në tokë e vrarë me armë zjarri, rrëfyen ata në prokurori.
“Dëgjuam që çiftit po zihej dhe po bërtisnin. Por nuk ishin brenda në shtëpi në atë moment. Kur hymë brenda në shtëpi, Merita kishte vdekur dhe ishte pa shenja jete. Por nuk pamë se çfarë ndodhi”, mësohet të jenë shprehur të afërmit e viktimës.
Fill pas ngjarjes që ndodhi sot rreth orës 13:20 në lagjen nr. 7 të qytetit bregdetar, efektivi i policisë së Durrësit u thirr në komisariat, ku u mor në pyetje për zbardhjen e rrethanave të ngjarjes. Espertiza ka konfirmuar se arma që dyshohet se është përdorur nga viktima, i përket policit Sherif Hajdari. Ende nuk janë zbuluar shkaqet e zënkës mes çiftit dhe policia po heton në dy pista; atë të vrasjes por edhe të vetëvrasjes.
