Aurela Hoxha pas ndarjes nga bashkëshorti i saj është treguar shumë e kujdesshme përsa i përket jetës së saj private. Pavarësisht dyshimeve dhe insistimit të vazhdueshme nga mediat dhe fansat ajo për një kohë të gjatë nuk ka preferuar që të prononcohet për këtë çështje.
Madje dyshimet rreth saj kanë qenë edhe më të mëdha duke menduar jetën e shtrenjtë që ajo bën dhe direkt mendja të shkon se mbas saj fshihet një person i fuqishëm. Por jo, Aurela gjithmonë ka thënë se ajo ka punuar që e vogël dhe gjithçka që ka sot e ka siguruar vet.
Vetëm pak kohë më parë ajo pranoi publikisht se ka nisur një marrëdhënie të re, por nuk ka preferuar të zbulojë më shumë rreth tij.
Mbrëmjen e kaluar partneri i saj ka pasur ditëlindjen dhe Aurela është kujdesur që t’ia bëjë këtë ditë sa më speciale. Ajo ka postuar një video në “Instagram” nga ku i uron ditëlindjen dashurisë së saj. E veshur me një fustan të kuq seksi, ajo shfaqet teksa ngjit shkallët dhe e shoqëron me disa lëvizje seksi.
