Bleona Qerreti, u shfaq në një intervistë për emisionin “Lartë e Poshtë”, e veshur me një peshqir të mbledhur në kokë, e një tjetër të hedhur rreth trupit!
Këngëtarja tregoi se bëri këtë zgjedhje që njerëzit të mund të shihnin Bleonën e vërtetë. Mirëpo, gjatë intervistës ajo kërkoi që vëmendja të jetë tek mendimet, idetë dhe sakrificat që ajo ka bërë gjatë karrierës së saj muzikore.
“Sakrifica më e madhe është jeta private! Unë punoj 18 orë në ditë. Kujdesem për gjithçka, duke filluar nga veshja, make up-i, ndriçimi, tek kamerat, dritat, këndi i xhirimit, e më pas e gjithë puna spostohet në montazh. Normalisht që kam njerëz që më ndihmojnë, por përgjegjësinë e të gjithë klipit e kam vetëm unë! Kjo është sakrificë! Pastaj njerëzit, i marrin gjërat ashtu siç ata duan. Por unë dua të kërkoj nga ju që të mos shikoni tani vetëm faktin se Bleona dha intervistën e veshur me një peshqir, por atë çfarë unë jam në të vërtetë.” – tha Bleona Qerreti.
Këngëtarja shqiptare pritet të publikojë me 5 tetor, këngën e saj më të re me titull “Monster”.
