Ajo kishte detyrën më të rëndësishme në MTV Europe Music Awards dhe Bebe Rexha dukej më se e gatshme, teksa u paraqit në tapetin e kuq me një fustan të zi.
Këngëtarja shqiptare prezantoi një ndër eventet më të rëndësishme që u zhvilluan në Ahoy Roterdam, Holandë. 27-vjeçarja, e cila ka shkruar tekste për Eminem dhe Selena Gomez, u paraqit në tapetin e kuq të eventit me një fustan rrjetë të zi që shkëlqente. Por kjo ishte vetëm veshja e parë e saj, nga shtatë të tjera që ndërroi gjatë eventit.
Performanca e saj në skenë u bë më e zjarrtë, pasi Bebe realizoi një twerk, me kërcimtaret e tjera. Më pas Rexha u vesh me një fustan në ngjyrë të kuqe, ngjyrë që e ruajti gjatë gjithë spektaklit, madje edhe gjatë performancës së këngës së saj të famshme në bashkëpunim me Martin Garrix, “In the name of love”.
Ajo arriti të krijonte një imazh gjithë klas me dorezat e kuqe si dhe më pas me modelin e mbyllur në formë gofi. Bebe, emri i vërtetë i së cilës është Bleta, citon Daily Mail, shkëlqeu gjatë gjithë mbrëmjes dhe u kthye në mbretëreshën e skenës.
