Fakti se meshkujt janë gjithmonë të uritur për seks, nuk është surprizë, por studimet e fundit kanë treguar se kjo dëshirë natyrale është aq e fortë, sa kalon edhe prioritete të tjera, siç është të ushqyerit.
Studiuesit britanikë dhe amerikanë, në një test me krimbat, provuan disa forma klasike të sjelljes për të provuar se kur krimbat meshkuj ishin të uritur në prani të femrave, ata në të vërtetë zgjidhnin seksin para ushqimit.
Sipas studiuesve, gjithçka shpjegohet me praninë e disa neuroneve që gjenden tek meshkujt dhe jo tek femrat, të cilat janë quajtur “misteri i qelizave mashkullore (MCMS)”.
Të dyja gjinitë, si meshkujt, ashtu edhe femrat kanë qarqe të krahasueshme në tru, por këto qeliza ndryshojnë rrugën e instikteve tek gjinia mashkullore:
“Këto ndryshime, gjatë maturimit seksual të meshkujve u japin mundësi atyre të kujtojnë takimet e mëparshme seksuale dhe prioritetin e situatave të ardhshme seksuale”,- thotë autorja e studimit Arantza Barrios.
Pra, sipas saj, kjo sjellje nuk është në kokë (nuk komandohet). Madje periudha e pubertetit ndikon më pas dhe bën që meshkujt në ndryshim nga femrat të kërkojnë më shumë seks.
Studiuesit besojnë se është e mundur që edhe truri i meshkujve të ketë tipa neuronesh që femrat nuk i kanë dhe anasjelltas. Ndikon gjithashtu edhe mënyra se si meshkujt dhe femrat e perceptojnë botën dhe çfarë vendosin ata prioritet në jetën e tyre.
