Deklarata e fundit nga Menaxheri i VIP-ave, Alesio Alia, i habiti jo pak të gjithë. Ai rrëfeu se këngëtarja Nora Istrefi e ka nxjerrë atë me humbje gjatë një koncerti.
“Nora s’ka hite, unë i bëra një favor menaxherit të saj, Enis Fetahut. E mora Norën në periudhën kur ishte festa e pavarësisë së Kosovës, për ti bërë nder dhe humba lekë nuk fitova”- është shprehur Alesio.
Mirëpo, pas kësaj deklarate të tij, ka ardhur edhe reagimi i Norës.
Ajo shkruan se deklarata e Alesios është dëshpëruese dhe e pavërtetë. Më tej, Nora thekson se tendenca të tilla për të njollosur karrierën e saj, janë të kota.
Por tashmë Alesio i është rikthyer sërish deklaratës së tij dhe ka theksuar që nuk ka gënjyer në këtë rast por as në deklarat e tij të tjera.
Edhe me para ai pati reaguar për deklaratën e Norës duke publikuar një shkrim të gjatë në story, ku ndër të tjera thekson se Nora nuk ka aspak seriozitet në punën e saj, duke bërë me dije se këngëtarja as USB-në me këngët e saj nuk kishte marrë me vete në koncert.
Më tej, Alesio thekson se thjesht ka treguar eksperiencën e tij dhe se deklarata e tij nuk ul e as nuk ngre suksesin 15-vjeçar të Nora Istrefit.
I pyetur nëse ka ndonjë artist shqiptar që nuk do bashkëpunonte kurrë, Alesio është shprehur se po ka sa të duash artistë që nuk do bashkëpunonte. Megjithatë ai ka preferuar të mos japë emra konkretë.
