Intervista e Meghan dhe Princ Harry-t, tronditi jo vetëm Pallatin Mbretëror, por të gjithë botën.
Pas deklaratave që Meghan Markle bëri, së fundmi ka ardhur dhe reagimi i gjysmë-motrën së saj, Samantha Markle-s.
“E vërteta u injorua dhe u mohua plotësisht. Nuk ndihem rehat të flas për njerëz që me të vërtetë nuk i njoh. Unë jam rritur si një fëmijë i vetëm, gjë që e dinë të gjithë ata që janë rritur rreth meje dhe do të kisha dashur të kisha vëllezër e motra”, u shpreh Samantha Markle.
Samantha ndau fotografitë e tyre së bashku përgjatë viteve, përfshirë një nga diplomimi i saj në vitin 2008. Ajo pretendoi se fotografia, e cila ishte bërë 13 vjet më parë, bie në kundërshtim me komentin e Meghan që thoshte se “hera e fundit që e pashë atë duhet të ketë qenë së paku 18, 19 vjet më parë.”
“Unë nuk e di se si mund të thotë se unë nuk e njoh atë dhe se ajo ishte një fëmijë i vetëm. Ne kemi fotografi gjatë jetës sonë së bashku. Atëherë, si mund të mos më njohë ajo?!”
Përgjatë intervistës, Meghan tha se Samantha ndryshoi mbiemrin e saj në Markle pas moshës 50-vjeçare, pasi donte të përfitonte kur ajo filloi të dilte më Harry-n. Ndërkohë, Samantha i hodhi poshtë këto pretendime.
“Unë kam qenë një Markle para se ajo të ishte. Mendova se ishte disi e çuditshme që të thoshte se e ndryshova emrin vetëm kur ajo po dilte me Harry-n. Markle ka qenë gjithmonë mbiemri im”, tregoi Samantha.
