Vendimi i bashkëshortes së Donald Trump për të veshur një këmishë me lidhje gjatë debatit të mbajtur më 9 tetor, ka një konotacion historike që nuk përputhet me vizionin e kandidatit republikan.
Nga ana tjetër, vetëm pak ditë më parë u kujtua një deklaratë e Trump bërë në vitin 2005, kur ai thoshte se, “jam i tërhequr nga e bukura, i kap ato dhe dua t’i puth nuk pres më gjatë”.
Sipas zëdhënësve të fushatës elektorale, mungesa e informacionit bëri që Melania Trump të jepte një mesazh të fshehtë kundër politikave të bashkëshortit të saj gjatë debatit të së dielës.
Ajo asistoi në debatin kundër Hilary Clinton e veshur me një këmishë me fjongo të markës “Gucci” me ngjyrë ciklaminë.
Në vendet anglosaksone, këmishat me fjongo quhen “Pussy Bow”. Kështu quhet edhe modeli i Gucci-t që veshi Melania gjatë debatit. “Pussy” është pikërisht fjala që tha Trump në videot polemike të nxjerra nga “Washington Post” këtë fundjavë. Në regjistrimet e vitit 2005, kandidati legjitimonte abuzimin seksual kur thoshte se, “kur je një yll, femrat të lënë t’u bësh gjithçka. T’i kapësh nga pjesët intime (pussy)”.
A po tallej Melania me skandalin e bashkëshortit? Një zëdhënës i Trump-it tha për gazetarët se zgjedhja e saj nuk ishte “e qëllimshme”.
Por, përveç emrit, kjo këmishë ka edhe një histori nga mbrapa. Kjo veshje u emërtua “Pussycat Bow” nga shtypi i viteve ’30 kur doli në ilustrimet e Gibson Girl (ideali femëror në vitet ’40). Yves Saint Laurent dhe Channel e nxorën në modë më vonë.
Në fillim të viteve ’70, “Pussy Bows” u bë feministe. Ishte koha kur gratë filluan të mbanin poste ekzekutive dhe vishnin këmisha me fjongo për t’i dhënë jetë kostumeve zyrtare dhe në vend të kollareve dhe papionëve. Ishte një mënyrë për t’u dukur më femërore.
Margaret Thatcher e bëri këtë këmishë një detaj shumë të rëndësishëm të imazhit të saj politik, në vitet ’80. Thatcher raportohet të ketë thënë se ajo mendonte që fjongot ishin për të zbutur imazhin dhe të bukura.
Thatcher dhe Presidenti francez, Francois Mitterrand, në vitin 1986
Në funderalin e Thatcher në vitin 2013, bashkëshortja e ish-kryeministrit të Britanisë, Samantha Cameron, e nderoi atë duke u shfaqur e veshur me një këmishë të tillë.
Samantha Cameron më 7 prill 2013, në funeralin e Thatcher
Donald Trump është ankuar shumë herë publikisht që ish-gruaja e tij, Ivana Trump, drejtonte dy prej kompanive të tij: “Gabimi im i madh ishte të nxirrja Ivana-n nga roli i saj si bashkëshorte dhe ta lejoja të drejtonte sipërmarrjet e mia”.
Në fakt, këmisha ciklaminë e Melania-s, thoshte krejt të kundërtën. Dhe në një mënyrë apo në tjetrën, ajo e ktheu sërish këtë këmishë në fokus.
Burimi: IBTimes
