Vilson Lulo, vëllai i këngëtarit popullor shqiptar Petrit Lulo, jeton në varfëri ekstreme. Ai dhe familja e tij jetojnë prej më shumë se një viti e gjysmë në Gjirokastër, në një banesë gjysmë të rrënuar të lagjes “Punëtori”.
Një zjarr aksidental, i rënë në korrikun e vitit të kaluar, shkrumboi mundin e shumë viteve, duke e kthyer shtëpinë në të pabanueshme. Në pamundësi për të jetuar në një tjetër shtëpi, Vilson Lulo, bashkëshortja dhe dy vajzat e tyre, po e kalojnë dimrin në kushte tepër të vështira, në gërmadhat që ka lënë pas zjarri i 5 muajve më parë.
“Juguneës” shkruan se e vetmja mënyrë mbijetese është mbledhja e kanaçeve nga ana e Vilsonit, pasi edhe asistencën financiare nga ana e Bashkisë, nuk e përfitojnë më. Bashkëshortja Entela dhe dy vajzat, 18 dhe 15 vjeçe janë të detyruara të jetojnë gati në qiell të hapur.
