Frederic Forrest, i njohur për rolin e tij të nominuar për ‘Oscar’ si Sgt. Huston Dyer në ‘The Rose’, ka ndërruar jetë në moshën 86-vjeçare.
Ishte Midler ai që njoftoi lajmin tragjik, duke postuar në Twitter: “I madhi dhe i dashur Frederic Forrest ka vdekur. Faleminderit të gjithë fansave dhe miqve të tij për gjithë mbështetjen e tyre këto muajt e fundit. Ai ishte një aktor i shquar dhe një qenie njerëzore e shkëlqyer, dhe unë isha me fat që e kisha në jetën time. Ai është në paqe.”
Sipas ‘The Hollywood Reporter’, Forrest vdiq në shtëpinë e tij në Santa Monica pas një sëmundjeje të gjatë. Shkaku i vdekjes nuk është bërë i ditur.
Miqtë e tij organizuan një faqe ‘GoFund Me’ në muajin shtator për të ndihmuar në vazhdimin e pagesës së shpenzimeve të tij të kujdesit, ndërsa ai luftonte me sëmundjen që ende nuk dihet se çfarë ishte. Postimi për mbledhjen e fondeve thoshte se kontributet ndihmuan “për kujdesin në shtëpi të Fredric për gjashtë muajt e fundit duke paguar kujdestarët që të ishin me të 8 orë në ditë, 7 ditë në javë”.
Disa nga rolet e tij të tjera në film përfshijnë ‘When the Legends Die’, ‘Apocalypse Now’, ‘The Conversation’, ‘One From the Heart’, ‘Tucker: The Man and His Dream’, ‘The Missouri Breaks’, ‘It Lives Again’,’The Two Jakes and Point Blank’, e të tjera.
