Ditën e sotme është ndarë papritur nga jeta dekani i Fakultetit të Gjuhëve të Huaja, Artur Sula. Është mësuar se ai ka ndërruar jetë në moshën 53-vjeçare për shkak të një hemorragjie cerebrale.
Si fillim lajmin e trishtë e ka dhënë ish-ministrja e Kulturës, Mirela Kumbaro, që ka shrprehur edhe ngushëllimet për familjen e të ndjerit.
“Zot mba dorën! Mba doren o zot..! Shume i ri per ta humbur familja, shume energjik per t’ia hequr jetes, shume ambicioz per te ikur nga drejtimi i Fakultetit të Gjuhëve të Huaja, shume bujar per ta ndare nga shoket e koleget, shume e padrejte mbyllja ketu e rrugetimit premtues te dekanit te Gjuheve te Huaja Artur Sula. Lamtumire Shok i dashur!’, shkruan ish-ministrja Kumbaro.
Në lidhje me këtë lajm të trishtë ka reaguar edhe Fakulteti i Gjuhëve të Huaja, që ka vendosur ta shpallë ditën e nesërme si ditë zie, duke pezulluar të gjitha aktivitetet që ishin parashikuar.
“Fakultetit të Gjuhëve të Huaja, Dekanatit me Dyer të Hapura, do t’i mungojë sinergjia që vetëm Turi dinte të sillte, puna në ekip, fryma e bashkëpunimit, ritmi i jashtëzakonshëm dhe pozitiviteti, mirësia dhe energjia që e karakterizonte drejtuesin e saj!
I shprehim ngushëllime të sinqerta familjes, miqve, kolegëve si edhe studentëve !
Në nderim të kujtimit të punës e veprës së Dekanit, Prof. Dr. Artur SULA, Fakulteti i Gjuhëve të Huaja shpall ditën e nesërme, datë 22.02.2021, ditë zie. Si rrjedhojë, pezullohen të gjithë aktivitetet e parashikuara për këtë ditë.
Ceremonia e lamtumirës dhe homazhet në nderim të tij do të zhvillohen më datë 22.02.2021, ora 09:30 – 12:30, në Hollin e Fakultetit të Gjuhëve të Huaja. Përcjellja për në banesën e fundit do të bëhet në varrezat e Sharrës, në Kombinat, datë 22.02.2021, ora 13:00.
Do na mungosh të gjithëve, i dashur Turi!
U prehsh në paqe, vizionar i FGJH-së!”, shkruuhet në njoftimin e fakultetit.
Të dashur studentë,
Të dashur kolegë,
Të dashur miq të shumtë të FGJH-së, Fakultetit të 1001 mundësive,Me hidhërim…
Posted by Zyra e Informacionit FGJH on Sunday, 21 February 2021
