Britney Spears mund të mos performojë më kurrë live.
Menaxheri i këngëtares Larry Rudolph, cili ka punuar me artisten për më shumë se dy dekada, ka thënë në një intervistë për “TMZ” se këngëtarja nuk do të mund të performojë përsëri për shkak të shëndetit të saj mendor.
Sipas “Daily Mail”, ai ka theksuar se bazuar në informacionin që ai dhe gjithë profesionistët që punojnë me të kanë, Britney nuk do mund të kthehet në muzikë, jo vetëm së afërmi por ndoshta kurrë më.
“Si personi që drejton karrierën e saj – bazuar në informacionin që unë kam dhe të gjithë profesionistët që punojnë me të, nga ajo që kam mbledhur është e qartë për mua se ajo nuk duhet të kthehet, jo vetëm në të ardhmen e afërt por ndoshta kurrë më”, tha Rudolph.
37-vjeçarja kishte planifikuar të rifillonte koncertet më 13 Shkurt me 32 shfaqje të planifikuara deri më 17 Gusht të cilat u shtynë për shkak të problemeve të saj me shëndetin mendor.
Britney Spears u shtrua në psikiatri pak javë mëparë, pasi nuk i përballoi problemet me shëndetin të të atit të saj.
