Një ngjarje e rëndë ka ndodhur në familjen e aktorit të njohur Gentian Zenelaj, i cili ka humbur të atin për shkak të Covid-19.
Ishte vetë aktori që ndau lajmin e hidhur me ndjekësit dhe miqtë e tij në Facebook, ku shkruante e beteja e babait të tij, Rexhep Zenelaj ishte e gjatë dhe e vështirë.
Teksa i falenderon për ngushëllimet dhe mbështetjen, Genti bën me dije se varrimi zhvillohet nesër në orën 13:00 në Shëngjin.
“Me hidhërim të thellë njoftoj ndarjen sot nga jeta të babait tim Rexhep Zenelaj, pas një beteje të gjatë me Covid 19. Ju falenderoj nga zemra për çdo mendim dhe ngushëllim që kam marrë nga ju. Zoti ju bekoftë! Varrimi zhvillohet nesër në orën 13:00 në Shëngjin”-shkruan Genti.
Në emisionin investigativ që ai drejton së bashku me mikun e tij Saimir Kodra, aktori e ka përmendur shpesh babain. Sakaq, në intervista të ndryshme ai e ka cilësuar si modelin e tij.
“Babi është modeli im. Babi është njeriu që fatkeqësisht unë i ngjajta. Në Shqipëri nuk do ecin kurrë përpara njerëzit e ndershëm, këtë e kemi kuptuar. Shqipëria, fatkeqësisht cdo vit edukon të rinjtë që ti bien nga shtegu, nga rruga e shkurtër që ti bien nëpërmjet partisë, nëpërmjet shtegut, miqësive e shoqërive. Është për të ardhur keq.”- u shpreh ai disa kohë më parë në një intervistë.
