Arkitekti dhe restauruesi i njohur nga Korça, Kliti Kallamata, ka ndërruar jetë pas infektimit me Covid-19. Ai nuk ka arritur ta fitojë betejën me virusin, teksa është mësuar se ka qenë i shtuar prej disa ditësh në spitalin e Korçës. Gjendja e tij ishte përkeqësuar gjatë ditëve të fundit, dhe me gjithë përpjekjet e mjekëve ai nuk ka arritur të mbijetojë.
Të afërm, miq dhe kolegë kanë shprehur ngushëllimet për ndarjen nga jeta të tij, ndërkohë që ceremonia mortore do të zhvillohet sot rreth orës 11:00.
Kallamata për 17 vite ka qenë edhe Drejtor i Monumenteve të Kulturës në Korçë. I ndjeri ka fituar edhe disa çmime si:
– Çmimi i Bashkimit Evropian / Eurpa Nostra 2011, Amsterdam 2011, me projektin e restaurimit: “Kisha e Shën Gjergjit në Shipcka”.
– Fituesi i Çmimit te Member Choice Award të EU / EN 2011, Amsterdam 2011, me projektin e restaurimit: “Kisha e Shën Gjergjit në Shipcka”.
– “The Best in Heritage” me Anëtarësim në “Klubin e Ekselencës” në “Kisha e Shën Gjergjit, Shipcka” Dubrovnik Shtator 2012.
Ai ka mbajtur qëndrim kritik për disa çështje shumë serioze si shkatërrimi i Teatrit Kombëtar, dëmtimi i monumenteve kulturore, duke dalë hapur kundër edhe Institutit të Monumenteve të Kulturës. Arkitekti dhe restauruesi i njohur nga Korça, Kliti Kallamata, ka ndërruar jetë pas infektimit me Covid-19.
