Dy 2 bebe të prosalindura u vranë gjatë ditës së martë në një sulm ajror izraelit në Gaza, teksa babai i tyre ishte në qendrën civile, për të përfunduar regjistrimin e binjakëve.
Vogëlushi Asser dhe e motra, Ayssel, kishin 4 ditë që kishin lindur dhe i ati i tyre, Mohammed Abu al-Qumsan. Ai u telefonua nga fqinjët, të cilët e informuan se shtëpia e tij ishte goditur nga një sulm ajror. Në sulmin në fjalë gjetën vdekjen edhe e shoqja e tij dhe gjyshja e binjakëve. I përlotur, ai u shpreh se nuk pati kohë as të gëzonte për lindjen e bebeve, ndërsa ishte ende i shokuar nga ngjarja.
Sipas ministrisë së Shëndetësisë në Gazë, e udhëhequr nga Hamasi, që nga nisja e luftës më 7 tetor 2023, janë vrarë 115 bebe të porsalindura. Hamasi ka akuzuar drejtpërdrejt Izraelin, ndërsa forcat izraelite, ndonëse rrallëherë kanë komentuar sulmet që bëjnë në qytet, janë shprehur se përpiqen t’i shmangin sulmet dhe dëmtimet e civilëve.
Izraeli gjithashtu akuzon Hamasin, duke thënë se grupi terrorist fshihet nëpër tunele dhe shtëpitë e civilëve dhe kjo sjell edhe plagosjen apo vrasjen e tyre gjatë sulmeve ajrore dhe tokësore, ndërsa thekson se synimi i forcave izraelite është shkatërrimi i Hamasit.
Sipas të dhënave, që prej luftës, janë vrarë rreth 40,000 palestinezë dhe janë lënduar rreth 91,700 të tjerë.
