Një 24-vjeçare ka shpenzuar rreth 27 mijë paund në operacione plastike. Vendimi i saj për të ndryshuar pamjen fizike, erdhi pas talljeve të shumta që njerëzit i bënin për peshën trupore.
Chloe Munnings ishte mbipeshë dhe për këtë shpesh e vinin në lojë. Por 3 vjet më parë ajo nisi shndërrimin e saj, megjithëse tepër radikal. 24-vjeçarja nga Norfolk, shpenzoi 27 mijë sterlina në operacione plastike. Ajo rregulloi gjoksin, faqet, mollëzat, buzët dhe mban një korse për të ngushtuar mesin.
“Dëshiroja gjithmonë të isha perfekte, ende nuk jam e kënaqur plotësisht me ndryshimin tim. Kam ende për të ndryshuar”, thotë ajo.
“Fillimisht mora vendimin që të ndryshoja pasi shokët e shoqet e shkollës talleshin me mua për peshën time. Por kur hoqa disa kilogramë, u fiksova pas gjerave kozmetike. Tani jam e fiksuar edhe pas operacioneve plastike”, ka shtuar 24-vjeçarja.
*Shfleto galerinë
