Kim Kardashian është përpjekur të shpëtojë martesën e saj me Kanye West, pas krizës në marrëdhënien e tyre që nisi direkt pas fushatës së parë presidenciale të reperit në Karolinën e Jugut në fund të korrikut.
Të dy u panë duke dalë nga një avion privat bashkë me 4 fëmijët e tyre, të dielën në mëngjes, pas një udhëtimi shtatë ditor në Republikën Dominikane, ku shkuan për të shpëtuar martesën e tyre.
Ndërsa mbante në krahë vajzën e saj më të vogël, 39-vjeçarja dukej me mjaft stil me një fustan pas trupit dhe me flokët gërshet. Kanye zbriti nga avioni duke mbajtur vetëm telefonin e tij në dorën e djathtë.
E ndërsa pushimet e tyre përfunduan, të gjithë janë gjithë sy e veshë për të mësuar nëse e kaluan provën për të shpëtuar martesën.
“Kim dhe Kanye janë marrë vesh së bashku. Të dy duken shumë më të lumtur”, tha një burim për People, pasi u kthyen në Shtetet e Bashkuara.
Gjërat duken se janë rregulluar në martesën e tyre dhe kjo u duk edhe në një video të publikuar nga Kanye të premten. Reperi dukej mjaft në humor teksa kërcente me vajzën e tij të madhe North në videon e publikuar në Twitter.
Ndërsa Kim dëgjohej teksa qeshte në sfond, dhe filmonte këtë moment të adhurueshëm babë e bijë.
Pas raportimeve se Kim, 39 vjeç, dhe Kanye, 43 vjeç, kanë jetuar veç e veç për një vit, tani duket se çifti po gjen rrugën e përbashkët për tu rikthyer si dikur.
IT’S FRI-YE-YE!!! pic.twitter.com/Yh6j5bearq
— ye (@kanyewest) August 8, 2020
