Këngëtari i njohur i trojeve shqiptare, Sabri Fejzullahu, është gjallë dhe shëndoshë e mirë. Megjithatë, s’dihet pse shpeshherë ka qarkulluar lajmi se ai ka ndërruar jetë.
Kjo gjë i ka bërë përshtypje edhe vetë këngëtarit, i cili me të drejtë prisnim të mërzitej me këto lajme.
Megjithatë, Sabriu e ka marrë me sportivitet situatën dhe nëpërmjet një videoje, i ka “vërtetuar” të gjithëve se vazhdon të jetojë.
“Është hera e katërt që brenda tre muajve që po shkruhet në portale që kam vdekur, unë jam gjallë, jam shëndosh e mirë, punoj pa u ndal”, ka thënë këngëtari.
Fejzullahu është një nga artistët më të dashur në gjithë trojet shqiptare. Ai mban mbi supe një karrierë 50-vjeçare dhe ka arritur t’ju mbijetojë të gjitha kohërave. Në repertorin e tij muzikor, Fejzullahu numëron qindra hite, disa prej tyre bashkëpunime me artistë të njohur.
Ndonëse çdo këngë e tij ka qenë mjaft e suksesshme, Sabriu ka treguar së fundmi se njëra prej tyre i ka mbetur peng që nuk marrë vëmendjen e duhur. I ftuar në emisionin “Vizioni i Pasdites”, Sabriu tha se dueti me Ledina Çelon, “Ma ke prish gjumin e natës” nuk është vlerësuar siç duhet. Dyshja morën pjesë me këtë këngë në “Festivalin e Këngës” në vitin 1999 dhe ata nuk u vlerësuan nga juria e asaj kohe. Edhe pse kanë kaluar mbi 20 vite që nga ajo kohë, duket se Sabriu e ka të pamundur ta harrojë këtë fakt.
“Më ka mbetur peng një këngë e Edmond Zhulalit kompozitorin e madh shqiptar. ‘Ma ke prish gjumin e natës’ me Ledina Çelon. Ajo këngë nuk mori asnjë shpërblim. Nuk u vlerësua institucionalisht nga juria nuk mori për hir të mundit që ka bërë diçka”, u shpreh Fejzullahu.
