Gjërat që nisin shpejt kanë tendencën të mbarojnë shpejt gjithashtu. Dhe këtë po e vërteton më së miri Gerard Pique dhe Clara Chia Marti. Dyshja po përjetojnë një krizë në çift, krizë e cila duket se po i çon në ndarje.
Çfarë lidhje ka Shakira në gjithë këtë?
Sipas mediave spanjolle, ka disa arsye pse Clara Chia nuk ishte më rehat në marrëdhënien e saj me Pique, i cili përveç marrëdhënieve dhe çështjeve të punës, duhet të marrë pjesë dhe të shqetësohet edhe për Sashën dhe Milan, të cilët së shpejti do të largohen për të jetuar me nënën e tij, Shakirën, në Shtetet e Bashkuara të Amerikës.
Përpos kësaj duket se e dashura ish-futbollistit nuk po e duron dot ritmin apo presionin mediatik dhe është afër për t’i thënë lamtumirë marrëdhënies me Piqué.
Në media flitet edhe për një gjoja favorizim ndaj saj në kompaninë në pronësi të Pique-s “Kosmos”, apo një bezdi për gjithë afrimin mes tij dhe Shakirës ditët e fundit për t’i dhënë fund negociatave për kujdestarinë e fëmijëve të tyre.
Me datë 1 dhjetor 2022, u nënshkrua më në fund marrëveshja mes Shakirës dhe Pique-s lidhur me kujdestarinë e fëmijëve. Ata hynë dhe dolën veç e veç nga gjykata pas dakordësisë mes tyre.
Daily Mail bëri me dije se ligji i jep të drejtën Pique-s të kalojë deri në 10 ditë në muaj me fëmijët e tij.
